യുദ്ധഭീതിയിൽ മധ്യ പൗരസ്ത്യദേശം
ടെൽ അവീവ്:
അതിർത്തി കടന്നുള്ള ഇസ്രയേൽ ആക്രമണങ്ങൾ കലുഷിതമാക്കിയ മധ്യ പൗരസ്ത്യ ദേശത്ത് യുദ്ധഭീതി പരത്തി അമേരിക്ക. മേഖലയിൽ കൂടുതൽ പടക്കപ്പലുകളും യുദ്ധവിമാനങ്ങളും വിന്യസിക്കാൻ അമേരിക്കൻ പ്രതിരോധ സെക്രട്ടറി ലോയ്ഡ് ഓസ്റ്റിൻ ഉത്തരവിട്ടു. ബാലിസ്റ്റിക് മിസൈലുകളും വിന്യസിക്കും. ഇറാനിൽ വച്ച് ഹമാസ് നേതാവ് ഇസ്മയിൽ ഹനിയയേയും ലബനനിൽ ഹിസ്ബുള്ള നേതാവ് മസൂദ് ഫവദിനെയും ഇസ്രയേൽ വധിച്ചത് അയൽ രാജ്യങ്ങളെ പ്രകോപിച്ചിട്ടുണ്ട്. തുറന്ന യുദ്ധത്തിലേക്ക് എന്ന ഭീതി പടരവേ യാണ് ഇസ്രയേലിന് കരുത്തു പകരുവാനുള്ള അമേരിക്കൻ നീക്കം. ഹിസ്ബുള്ള ഇസ്രയേലിന്റെ സൈനിക പോസ്റ്റുകൾ മാത്രമല്ല മറ്റു കേന്ദ്രങ്ങളും ലക്ഷ്യമിടുമെന്ന് ഇറാന്റെ യു എൻ പ്രതിനിധി പ്രതികരിച്ചു.ഇസ്രയേലിനെ ആക്രമിക്കുമെന്ന് ഹൂതി വിമതസേനയും പ്രഖ്യാപിച്ചിട്ടുണ്ട്.
