മൊമെന്റോയും ബൊക്കെയും ഒഴിവാക്കി സ്നേഹോപഹാരങ്ങൾ പുസ്തകങ്ങളായി നൽകാൻ വയനാട് ജില്ലാ കളക്ടർ
മൊമെന്റോയും ബൊക്കെയും ഒഴിവാക്കി സ്നേഹോപഹാരങ്ങൾ പുസ്തകങ്ങളായി നൽകാൻ അഭ്യർത്ഥിച്ച് വയനാട് ജില്ലാ കളക്ടർ മേഘശ്രീ ഡി. ആർ. സന്ദർശകരിൽ നിന്നും
ജില്ലയിലെ പൊതു പരിപാടികളിൽ നിന്നും ധാരാളം മൊമെന്റോ, ബൊക്കെ, പ്ലാസ്റ്റിക് കവറുകളിൽ പൊതിഞ്ഞ പൂക്കൾ തുടങ്ങിയവ സ്നേഹോപഹാരങ്ങളായി തനിക്ക് ലഭിക്കാറുണ്ടെന്നും എന്നാൽ അതിന് പകരമായി ഒരു നല്ല പുസ്തകം സമ്മാനമായി നൽകാൻ നിങ്ങൾ തയ്യാറാകുമോ എന്നും വയനാട് ജില്ലാ കളക്ടർ ഫേസ്ബുക്ക് കുറിപ്പിലൂടെ ചോദിച്ചു.
ബൊക്കെ ഒഫ് ബുക്ക്സ് എന്ന എന്ന പദ്ധതിയിലൂടെ, സാമൂഹ്യ പഠന മുറികളിലെ ഗ്രന്ഥശാലകളിലേക്ക് സംഭാവന ചെയ്‌താൽ, അത് ഗോത്രവിഭാഗങ്ങളിലെ കുട്ടികളുടെ വിദ്യാഭ്യാസത്തിനു വലിയൊരു കരുത്തായിരിക്കുമെന്നും കളക്ടർ ഫേസ്ബുക്ക് കുറിപ്പിൽ പറഞ്ഞു.
