കേദാർനാഥിന് വെങ്കല മെഡൽ
ഭുവനേശ്വർ:
ഹൈജമ്പിൽ വെങ്കലമെഡലുമായി മടങ്ങുമ്പോൾ കേദാർനാഥിന് ഒരു സങ്കടം ബാക്കി. സ്വന്തമായി വീടില്ല. കോട്ടയം ജില്ലയിലെ മുണ്ടക്കയം വണ്ടൻതാലിൽ വാടക വീട്ടിലാണ് എട്ടംഗ കുടുംബം കഴിയുന്നത്. വർഷങ്ങൾക്കു മുൻപ് ദേശിയ ജൂനിയർ അത്‌ലറ്റിക് മീറ്റിൽ അണ്ടർ 16 പെൺകുട്ടികളുടെ ഹൈജമ്പിൽ വെള്ളി നേടിയ ബിനോഭമോളുടെയും കെ വി സനീഷിന്റെയും മകനാണ്. ബിനോഭ കോരുത്തോട് സികെഎംകെഎംഎച്ച് എസ്എസിന്റെ താരമായാരുന്നു. പത്തനംതിട്ട മണിയാർ പൊലീസ് എ ആർ ക്യാമ്പിലെ മെസ് ജീവനക്കാരനാണ് സനീഷ്. ബിനോഭ സ്വകാര്യ സ്കൂളിൽ പരിശീലകയായി ജോലി നോക്കുന്നു. മുണ്ടക്കയം ഈസ്റ്റ് സെന്റ് ആന്റണീസ് എച്ച്എസിലെ 10-ാംക്ലാസ് വിദ്യാർഥിയാണ് കേദാർനാഥ്.
