കേരളത്തിൽ ഉപതെരഞ്ഞെടുപ്പ് നവംബർ 13 ന്
ന്യൂഡൽഹി:
വയനാട് ലോക്സഭാ മണ്ഡലത്തിലേക്കും, പാലക്കാട്, ചേലക്കര നിയമസഭാ മണ്ഡലങ്ങളിലേക്കും നവംബർ 13 ന് ഉപതെരഞ്ഞെടുപ്പ് നടക്കും. നവംബർ 23 ന് വോട്ടെണ്ണും. ലോക്സഭാ തെരഞ്ഞെടുപ്പിൽ വയനാട്ടിലും,റായ് ബറേലിയിലും ജയിച്ച കോൺഗ്രസ് നേതാവ് രാഹുൽ ഗാന്ധി വയനാട് മണ്ഡലത്തിൽ നിന്നുള്ള ലോക്സഭാംഗത്വം ഉപേക്ഷിച്ചതോടെയാണ് ഇവിടെ ഉപതെരഞ്ഞെടുപ്പ് വേണ്ടിവന്നത്. ചേലക്കര എംഎൽഎ യായിരുന്ന കെ രാധാകൃഷ്ണനും, പാലക്കാട് എംഎൽഎ യായിരുന്ന ഷാഫി പറമ്പിലും പാർലമെന്റ് അംഗങ്ങളായി തെരഞ്ഞെടുക്കപ്പെട്ടതോടെയാണ് രണ്ടിടത്തും ഉപതെരഞ്ഞെടുപ്പ് വേണ്ടിവന്നത്. മൂന്ന് സ്ഥലത്തും കോൺഗ്രസിന്റെ സ്ഥാനാർഥികളായി പ്രിയങ്കാ ഗാന്ധിയും, രാഹുൽ മാങ്കൂട്ടത്തിലും, രമ്യാ ഹരിദാസും മത്സരിക്കും.
