സുനിത വില്യംസ് ബഹിരാകാശ നിലയം കമാൻഡർ
വാഷിങ്‌ടൺ:
അന്താരാഷ്ട്ര ബഹിരാകാശ നിലയത്തിന്റെ പുതിയ കമാൻഡറായി ഇന്ത്യൻ വംശജ സുനിത വില്യംസ്. റഷ്യൻ ബഹിരാകാശ യാത്രികൻ ഒലെഗ് കൊണോനെൻകോ നിലയത്തിൽ നിന്ന് തിങ്കളാഴ്ചയോടെ മടങ്ങിയതോടെയാണ് സുനിത പുതിയ കമാൻഡർ ആയത്. എട്ടു ദിവസത്തെ ദൗത്യത്തിനായി നിലയത്തിലെത്തിയ സുനിതയും മറ്റൊരു യാത്രികൻ ബുച്ച് വിൽ മോറും സ്റ്റാർലൈനർ പേടകം തകരാറിലായതോടെ തിരികെ വരാനാകാതെ കുടുങ്ങുകയായിരുന്നു. ഇവരെ തിരിച്ചെത്തിക്കാൻ ഫെബ്രുവരിയാകുമെന്നാണ് റിപ്പോർട്ട്. 12 വർഷംമുമ്പും സുനിത നിലയത്തിന്റെ കമാൻഡർ സ്ഥാനം വഹിച്ചിരുന്നു. നിലവിൽ എട്ടുപേരാണ് ബഹി രാകാശ നിലയത്തിലുള്ളത്. നിലയത്തിൽ 374 ദിവസം പൂർത്തിയാക്കിയാണ് റഷ്യൻ യാത്രികർ മടങ്ങിയത്.
