ഐഎസ്ആർഒ ആസ്ഥാനത്ത് പ്രധാനമന്ത്രി; ശാസ്ത്രജ്ഞരെ നേരിൽ കാണും
ഗ്രീസ് സന്ദർശനത്തിന് ശേഷമാണ് മോദി ബെംഗളൂരുവിൽ എത്തിയത്. ബെംഗളൂരു എച്ച്എഎൽ വിമാനത്താവളത്തിലെത്തി.ബെംഗളൂരു വിമാനത്താവളത്തിന് പുറത്ത് സജ്ജീകരിച്ച വേദിയിൽ വച്ചാണ് പ്രധാനമന്ത്രി ജനങ്ങളെ അഭിസംബോധന ചെയ്തത്.
ലോകത്തിന്റെ ഓരോ കോണിലും ഇന്ത്യയുടെ ശാസ്ത്ര നേട്ടത്തെക്കുറിച്ച് അഭിമാനപ്പെടുകയാണെന്നും പ്രധാനമന്ത്രി.ചന്ദ്രയാൻ പദ്ധതി സമയത്ത് താൻ രാജ്യത്തുണ്ടായിരുന്നില്ല. അതിനാൽ തന്നെ തിരികെ എത്തുമ്പോൾ ഡൽഹിയിലേക്കല്ല ബെംഗളൂരുവിലേക്ക് എത്തി ശാസ്ത്രജ്ഞരെ അഭിസംബോധന ചെയ്യാനായിരുന്നു തൻ്റെ തീരുമാനമെന്നും പ്രധാനമന്ത്രി പറഞ്ഞു.താൻ എത്തുന്നത് ശാസ്ത്രജ്ഞരെ കാണാൻ ആണെന്നും പ്രോട്ടോക്കോൾ പ്രകാരം തന്നെ വന്ന് കാണേണ്ടതില്ലെന്ന് മുഖ്യമന്ത്രിയോടും ഗവർണറോടും ആവശ്യപ്പെട്ടിരുന്നതായും അദ്ദേഹം പറഞ്ഞിരുന്നു. എങ്കിലും ചീഫ് സെക്രട്ടറി എത്തിയതിൽ നന്ദിയുണ്ടെന്നും അദ്ദേഹം പറഞ്ഞു.ജനങ്ങളെ അഭിസംബോധന ചെയ്തതിന് ശേഷം പ്രധാനമന്ത്രി മോദി ഇസ്രോ ക്യാമ്പസിലേക്ക് തിരിച്ചു.
