ഓം ബിർള ലോക്‌സഭാ സ്പീക്കർ
മൂന്ന് തവണ ബി.ജെ.പി എം.പിയായ ഓം ബിർള, അപൂർവമായ മത്സരത്തിനൊടുവിൽ ചൊവ്വാഴ്ച രണ്ടാം തവണയും ലോക്‌സഭാ സ്പീക്കറായി തിരഞ്ഞെടുക്കപ്പെട്ടു.
ഇന്ത്യാ മുന്നണിയുടെ സ്ഥാനാർത്ഥിയും മാവേലിക്കര എംപിയുമായ കൊടിക്കുന്നിൽ സുരേഷിനെ ശബ്ദവോട്ടെടുപ്പിലൂടെയാണ് അദ്ദേഹം പരാജയപ്പെടുത്തിയത്.
പ്രധാനമന്ത്രി നരേന്ദ്ര മോദി, പ്രതിപക്ഷ നേതാവ് രാഹുൽ ഗാന്ധി, പാർലമെൻ്ററി കാര്യ മന്ത്രി കിരൺ റിജിജു എന്നിവർ സ്പീക്കറെ ചെയറിലേക്ക് ആനയിച്ചു.
രണ്ടാം തവണയും സ്പീക്കറായി തിരഞ്ഞെടുക്കപ്പെട്ട ഓം ബിർളയെ പ്രധാനമന്ത്രി മോദി അഭിനന്ദിച്ചു.
ബഹുമാനപ്പെട്ട സ്പീക്കർ, താങ്കൾ രണ്ടാമതും ഈ കസേരയിൽ ഇരിക്കുന്നത് സഭയുടെ ഭാഗ്യമാണ്. നിങ്ങളെയും മുഴുവൻ സഭയെയും ഞാൻ അഭിനന്ദിക്കുന്നു, ”അദ്ദേഹം തൻ്റെ പ്രസംഗത്തിൽ പറഞ്ഞു.
ഇന്ത്യാ മുന്നണിക്ക് വേണ്ടി പ്രതിപക്ഷനേതാവ് രാഹുൽ ഗാന്ധിയും ഓം ബിർളയെ അഭിനന്ദിച്ചു.
