2023ൽ സ്വീഡനിൽ ഖുർആൻ കത്തിച്ച സൽവാൻ മോമിക വെടിയേറ്റ് മരിച്ചു
2023ൽ സ്വീഡനിൽ ഖുർആൻ കത്തിക്കുകയും മുസ്ലീം രാജ്യങ്ങളിൽ നിന്ന് വിമർശനം നേരിടുകയും ചെയ്ത ഒരാൾ വെടിയേറ്റ് മരിച്ചതായി വാർത്താ ഏജൻസിയായ എഎഫ്‌പി വ്യാഴാഴ്ച റിപ്പോർട്ട് ചെയ്തു.
പ്രതിഷേധത്തിനിടെ ഖുർആൻ കത്തിച്ച ഇറാഖി ക്രിസ്ത്യാനിയായ സൽവാൻ മോമിക വംശീയ വിദ്വേഷം വളർത്തിയതിന് കുറ്റക്കാരനാണോ എന്ന് സ്റ്റോക്ക്‌ഹോം കോടതി വ്യാഴാഴ്ച വിധിക്കാനിരിക്കെയാണ് സംഭവം. പ്രതികളിലൊരാൾ മരിച്ചുവെന്ന് കോടതി പറഞ്ഞതിനെ തുടർന്ന് വിധി പറയുന്നത് മാറ്റിവച്ചു.
