ഐഷി ഘോഷിനെ അറസ്റ്റ് ചെയ്യാൻ എ.കെ.ജി ഭവനിലെത്തി ഡൽഹി പൊലീസ്; തടഞ്ഞ് ജോൺ ബ്രിട്ടാസ് എം.പി
ന്യൂഡല്ഹി:
എസ്.എഫ്.ഐ നേതാവും ജെ.എൻ.യു വിദ്യാർഥി യൂണിയൻ മുൻ അധ്യക്ഷയുമായ ഐഷി ഘോഷിനെ അറസ്റ്റ് ചെയ്യാനുള്ള നീക്കവുമായി ഡൽഹി പൊലീസ് ഡൽഹിയിലെ എ.കെ.ജി ഭവനിലെത്തി. മുൻപ് രജിസ്റ്റർ ചെയ്ത കേസുമായി ബന്ധപ്പെട്ടാണ് കസ്റ്റഡിയിലെടുക്കാൻ പൊലീസുകാർ എത്തിയത്.
യൂണിഫോമും നെയിം പ്ലേറ്റും ഇല്ലാതെ എത്തിയ വനിതാ പൊലീസ് ഉദ്യോഗസ്ഥരുടെ നടപടിയെ ജോൺ ബ്രിട്ടാസ് എം.പി ചോദ്യം ചെയ്തു. പൊലീസുകാർക്ക് രാഷ്ട്രീയ പാർട്ടികളുടെ ഓഫീസിലേക്ക് അനുവാദം വാങ്ങാതെ പ്രവേശിക്കാനാകില്ലെന്നും യൂണിഫോം ധരിച്ച് വരാനും എം.പി നിർദേശിച്ചു. തുടർന്ന് സി.പി.എം നേതാക്കൾ ചോദ്യം ചെയ്തതോടെ പൊലീസ് ഉദ്യോഗസ്ഥർ മടങ്ങുകയായിരുന്നു.
