ഗുരുവായൂർ ദേവസ്വം ‘കൗസ്തുഭം’ റെസ്റ്റ് ഹൗസ് പ്രവർത്തനം ആരംഭിച്ചു; ഭക്തർക്ക് മുറികൾ നൽകി തുടങ്ങി

BY : PRANOB GURUVAYUR

:

ഗുരുവായൂർ:

ഗുരുവായൂരിലെത്തുന്ന ഭക്തജനങ്ങൾക്ക് കൂടുതൽ മികച്ച താമസസൗകര്യമൊരുക്കി ദേവസ്വം കൗസ്തുഭം റെസ്റ്റ് ഹൗസ് പ്രവർത്തനം ആരംഭിച്ചു. ദർശനത്തിനെത്തുന്ന ഭക്തർക്ക് മുറികൾ നേരിട്ട് അനുവദിച്ചു തുടങ്ങി. ദേവസ്വം ചെയർമാൻ എ.വി. ഗോപിനാഥ്, ഭരണസമിതി അംഗം മനോജ് ബി. നായർ എന്നിവരുടെ സാന്നിധ്യത്തിലാണ് മുറികളുടെ വിതരണത്തിന് തുടക്കമായത്.

റൂം അന്വേഷിച്ചെത്തിയ മലപ്പുറം സ്വദേശി ശിവപ്രസാദിന് ആദ്യ മുറി അനുവദിച്ച് ദേവസ്വം ചെയർമാൻ തന്നെ താക്കോൽ കൈമാറി. ഇനിമുതൽ ഭക്തർക്ക് നേരിട്ടെത്തി മുറികൾ ബുക്ക് ചെയ്യാവുന്നതാണ്. വൈകാതെ തന്നെ ഓൺലൈൻ ബുക്കിംഗ് സൗകര്യവും ലഭ്യമാക്കുമെന്ന് ദേവസ്വം ഭരണസമിതി അറിയിച്ചു.

മുറികളുടെ പ്രതിദിന നിരക്ക് (ജി.എസ്.ടി ഉൾപ്പെടെ):

• 2 ബെഡ് (എ.സി.) – ₹1,575
• 2 ബെഡ് (നോൺ എ.സി.) – ₹1,050
• 3 ബെഡ് (നോൺ എ.സി.) – ₹1,365
• 4 ബെഡ് (നോൺ എ.സി.) – ₹1,575
• 6 ബെഡ് (നോൺ എ.സി.) – ₹2,100

കൂടുതൽ വിവരങ്ങൾക്കും അന്വേഷണങ്ങൾക്കുമായി 0487-2556537 എന്ന ഫോൺ നമ്പറിൽ ബന്ധപ്പെടാവുന്നതാണ്.