ഫെഡറേഷൻ ഓഫ് വർക്കിംഗ് ജേണലിസ്റ്റ്‌സ് കേരള എക്സിക്യൂട്ടീവ് യോഗം: സംഘടനാവിരുദ്ധ നീക്കങ്ങൾക്കെതിരെ കർശന നടപടിക്ക് ആഹ്വാനം
തിരുവനന്തപുരം:
ഫെഡറേഷൻ ഓഫ് വർക്കിംഗ് ജേണലിസ്റ്റ്‌സ് (FWJK) കേരളയുടെ സംസ്ഥാന എക്സിക്യൂട്ടീവ് യോഗം തിരുവനന്തപുരത്തെ പേട്ടയിലെ യംഗ്സ്റ്റേഴ്സ് ക്ലബ് ഹാളിൽ നടന്നു. സംസ്ഥാന പ്രസിഡൻ്റ് എ.പി. ജിനൻ അദ്ധ്യക്ഷത വഹിച്ചു.
കഴിഞ്ഞ നവംബർ ഒന്നിന് തിരുവനന്തപുരം പ്രസ് ക്ലബിൽ നടന്ന പരിപാടി പൂർണ്ണ വിജയമായിരുന്നുവെന്ന് യോഗം വിലയിരുത്തി.
സംഘടനാപരമായ തീരുമാനങ്ങൾ
- ട്രേഡ് യൂണിയൻ്റെ മുന്നോട്ടുള്ള വളർച്ചയ്ക്ക് തടസ്സമാകുന്ന നീക്കങ്ങൾക്കെതിരെ അംഗങ്ങൾ ജാഗരൂകരായിരിക്കണമെന്ന് യോഗം ആവശ്യപ്പെട്ടു.
- സംഘടനാവിരുദ്ധ പ്രവണതകളെ മുളയിലേ തടയിടണം എന്നും, അത്തരക്കാരെ യൂണിയനിൽ നിന്നും നീക്കം ചെയ്യണം എന്നും യോഗം കർശന നിർദ്ദേശം നൽകി.
- യൂണിയൻ ഉയർത്തിപ്പിടിക്കുന്ന നിർദ്ദേശങ്ങളെ ഉപാധികളില്ലാതെ പിന്തുണയ്ക്കുവാൻ യോഗം ആഹ്വാനം ചെയ്തു.
- 2025-ൽ ഡിസംബർ ഫെസ്റ്റ് സംഘടിപ്പിക്കാനും യോഗം തീരുമാനിച്ചു.
യോഗത്തിൽ റിപ്പോർട്ടും വരവ്-ചെലവ് കണക്കുകളും അവതരിപ്പിച്ചു.
പങ്കെടുത്തവർ
സംഘടനയുടെ സംഘടനാ ചുമതലയുള്ള സംസ്ഥാന സെക്രട്ടറി സുമേഷ് കൃഷ്ണൻ, രാജൻ വി. പൊഴിയൂർ, ബൈഷി, ട്രഷറർ ശ്രീലക്ഷ്മി ശരൺ, എക്സിക്യൂട്ടീവ് അംഗങ്ങളായ അനിൽ രാഘവൻ, സജീവ് ഗോപാലൻ, സുനിൽദത്ത് സുകുമാരൻ, ഷൈൻ, സജിമോൻ, ശ്യാം എസ് ധരൻ എന്നിവരും യോഗത്തിൽ പങ്കെടുത്തു.
