75 വയസ് തികഞ്ഞാലും മോദി തന്നെ പ്രധാനമന്ത്രി; അരവിന്ദ് കെജ്രിവാളിന് മറുപടിയുമായി അമിത് ഷാ
ബിജെപിയേയും കേന്ദ്ര സർക്കാരിനേയും കടന്നാക്രമിക്കുന്ന ഡൽഹി മുഖ്യമന്ത്രി അരവിന്ദ് കെജ്രിവാളിന് കേന്ദ്ര ആഭ്യന്തര മന്ത്രി അമിത് ഷായുടെ മറുപട്. നരേന്ദ്ര മോദി വീണ്ടും രാജ്യത്തിൻ്റെ പ്രധാനമന്ത്രിയാകുമെന്നും തൻ്റെ മൂന്നാം ടേം പൂർത്തിയാക്കുമെന്നും അമിത് ഷാ പറയുന്നു. പ്രധാനമന്ത്രി നരേന്ദ്രമോദിക്ക് അടുത്ത വർഷം 75 വയസ്സ് തികയുമെന്നും അത് അദ്ദേഹത്തിൻ്റെ ഓഫീസിലെ അവസാന ദിവസമായിരിക്കുമെന്നും ഡൽഹി മുഖ്യമന്ത്രി അരവിന്ദ് കെജ്‌രിവാളിൻ്റെ അവകാശവാദത്തിന് മറുപടിയായാണ് അമിത് ഷായുടെ പരാമർശം.
“മോദിജിക്ക് 75 വയസ്സ് തികയുന്നതിൽ സന്തോഷിക്കേണ്ട കാര്യമില്ലെന്ന് അരവിന്ദ് കെജ്‌രിവാളിനോടും ഇന്ത്യൻ സഖ്യത്തോടും ഞാൻ പറയാൻ ആഗ്രഹിക്കുന്നു. മോദിജിക്ക് പ്രധാനമന്ത്രിയാകാൻ കഴിയില്ലെന്ന് ബിജെപിയുടെ ഭരണഘടനയിൽ എഴുതിയിട്ടില്ല. അദ്ദേഹം വീണ്ടും പ്രധാനമന്ത്രിയാകുകയും കാലാവധി പൂർത്തിയാക്കുകയും ചെയ്യും.” അമിത് ഷാ ഹൈദരാബാദിൽ വാർത്താസമ്മേളനത്തിൽ പറഞ്ഞു.
