കെജ്‌രിവാളിന്റെ ഹർജികൾ വിധി പറയാൻ മാറ്റി
ന്യൂഡൽഹി:
ഡൽഹി മദ്യനയവുമായി ബന്ധപ്പെട്ട് ഇഡി കേസിൽ കസ്റ്റഡിയിലായിരുന്ന അരവിന്ദ് കെജ്‌രിവാളിനെ കോടതി അനുമതി വാങ്ങാതെ അറസ്റ്റ് ചെയ്ത സിബിഐ നടപടി വിമർശിച്ച് സുപ്രീംകോടതി. ഇഡി കസ്റ്റഡിയിലായിരുന്ന ഒരാളെ വീണ്ടും അറസ്റ്റ് ചെയ്യുംമുമ്പ് കോടതിയുടെ അനുമതി തേടേണ്ടതായിരുന്നു. സിആർപിസിയിൽ ഇതു സംബന്ധിച്ച കാര്യങ്ങൾ വ്യക്തമായി പ്രതിപാദിച്ചിട്ടുണ്ട്., ജസ്റ്റിസ് സൂര്യകാന്ത് ജസ്റ്റിസ് ഉജ്വൽഭുയാൻ എന്നിവർ അംഗങ്ങളായ ബെഞ്ച് നിരീക്ഷിച്ചു. ഡൽഹി മദ്യനയക്കേസിൽ കെജ്‌രിവാളിന്റെ ജാമ്യാപേക്ഷ പരിഗണിക്കവേയാണ് സുപ്രീംകോടതി സിബിഐ നടപടിയെ വിമർശിച്ചത്. ഡൽഹി മദ്യനയക്കേസിൽ ഇഡി കസ്റ്റഡിയിലായിരുന്ന കെജ്‌രിവാളിനെ സി സിആർപിസി4എ വകുപ്പ് പ്രകാരം ചോദ്യം ചെയ്യാൻ അനുവാദം വാങ്ങിയശേഷം സിബിഐ അറസ്റ്റ് ചെയ്യുകയായിരുന്നുവെന്ന് അഭിഭാഷകൻ മനു അഭിഷേക്സിങ്‌വി ചൂണ്ടിക്കാട്ടി.
