നാളെ വ്യാഴാഴ്ച (14/11/2024) കെഎസ്യു പഠിപ്പ് മുടക്ക്
കേരള യൂണിവേഴ്സിറ്റിയിൽ നാല് വർഷ ബിരുദ കോഴ്സുകൾക്ക് ഉയർന്ന പരീക്ഷ ഫീസ് ഏർപ്പെടുത്തിയതിനെതിരെ കേരള, കാലിക്കറ്റ് സർവ്വകലാശാലകൾക്ക് കീഴിലെ എല്ലാ ക്യാമ്പസുകളിലും നാളെ കെ.എസ്.യു പഠിപ്പ് മുടക്ക് നടത്തും.
തിരിവനന്തപുരം:
കേരള – കാലിക്കറ്റ് സർവകലാശാലകൾ ഫീസ് കുത്തനെ വർധിപ്പിച്ചെന്നാരോപിച്ച് പ്രതിഷേധം ശക്തമാക്കി കെഎസ്യു. പ്രതിഷേധത്തിൻ്റെ ഭാഗമായി കേരള – കാലിക്കറ്റ് യൂണിവേഴ്സിറ്റികൾക്ക് കീഴിൽ ഉള്ള മുഴുവൻ കോളേജുകളിലും നാളെ വ്യാഴാഴ്ച (14/11/2024) കെഎസ്യു സംസ്ഥാന കമ്മിറ്റിയുടെ നേതൃത്വത്തിൽ പഠിപ്പ് മുടക്ക് പ്രഖ്യാപിച്ചു.
സർക്കാരിന്റെ അറിവോടെയാണ് യൂണിവേഴ്സിറ്റിയിൽ കൊള്ള നടക്കുന്നതെന്നും ഉന്നത വിദ്യാഭ്യാസ മന്ത്രി കൂട്ടുനിൽക്കുന്നുവെന്നും കെഎസ്യു സംസ്ഥാന പ്രസിഡന്റ് അലോഷ്യസ് സേവിയർ പറഞ്ഞു . യാതൊരു മുന്നൊരുക്കങ്ങളുമില്ലാതെ ആരംഭിച്ച ഡിഗ്രി കോഴ്സുകൾ വിദ്യാർത്ഥികളിൽ വലിയ ആശയ കുഴപ്പം ഉണ്ടാക്കിയെന്നും അലോഷ്യസ് സേവ്യർ വാർത്താ സമ്മേളനത്തിൽ വ്യക്തമാക്കി.
സർക്കാരിന്റെ ഇടപെടലിൽ യൂണിവേഴ്സിറ്റിയുടെ ഭാഗത്തുനിന്നും അനുകൂലമായ തീരുമാനം ഉണ്ടായില്ലെങ്കിൽ ഈ മാസം 23ന് നടക്കുന്ന കേരള യൂണിവേഴ്സിറ്റി പരീക്ഷകൾ തടയാനാണ് കെഎസ്യു തീരുമാനം .
