അറഫ സംഗമം ഇന്ന്

മനാമ:
മിനായിൽ തീർഥാടകരുടെ രാപാർപ്പോടെ ഈ വർഷത്തെ ഹജ്ജിന് തുടക്കം. 160 രാജ്യങ്ങളിൽ നിന്നായി 18 ലക്ഷത്തോളം തീർഥാടകർ വ്യാഴാഴ്ച അറഫ മൈതാനിയിൽ സംഗമിക്കും. ബുധനാഴ്ച പകലോടെ മുഴുവൻ തീർഥാടകരും മിനായിൽ എത്തി. ഇവിടെ നിന്ന് സുബ്ഹി നമസ്കാരത്തിനു ശേഷം വ്യാഴാഴ്ച പുലർച്ചെ അറഫ സംഗമത്തിനായി നീങ്ങും. മലയാളികളടക്കം ഇന്ത്യയിൽ നിന്നെത്തിയ 1, 22,422 തീർഥാടകരെ ബുധനാഴ്ച രാവിലെ മിനായിൽ എത്തിച്ചതായി ഹജ്ജ് മിഷൻ അറിയിച്ചു. വെള്ളിയാഴ്ച ഗൾഫിൽ ബലി പെരുന്നാളാണ്.