ഓച്ചിറ 28-ാം ഓണം സെപ്റ്റംബർ 23-ന്; മൂന്ന് താലൂക്കുകൾക്ക് പ്രാദേശിക അവധി പ്രഖ്യാപിച്ച് സർക്കാർ
BY: KOLLAM MOHANAN PILLA
കരുനാഗപ്പള്ളി:
ചരിത്രപ്രസിദ്ധമായ ഓച്ചിറ 28-ാം ഓണാഘോഷത്തോടനുബന്ധിച്ച് സെപ്റ്റംബർ 23 ബുധനാഴ്ച കരുനാഗപ്പള്ളി, കാർത്തികപ്പള്ളി, മാവേലിക്കര എന്നീ താലൂക്കുകളിൽ പ്രാദേശിക അവധി അനുവദിച്ചു. സഹകരണ-എക്സൈസ് വകുപ്പ് മന്ത്രി എം. ലിജുവിന്റെ പ്രത്യേക അഭ്യർത്ഥനയെ തുടർന്ന് സംസ്ഥാന സർക്കാരാണ് അവധി പ്രഖ്യാപിച്ചത്. ഇക്കാര്യം സി.ആർ. മഹേഷ് എം.എൽ.എ തന്റെ സോഷ്യൽ മീഡിയ കുറിപ്പിലൂടെ ഔദ്യോഗികമായി സ്ഥിരീകരിച്ചു.
ഓണാട്ടുകരക്കാരുടെ കടുത്ത കാത്തിരിപ്പിനും നിരന്തര നിവേദനങ്ങൾക്കുമാണ് സർക്കാരിന്റെ ഈ തീരുമാനത്തോടെ പൂർണ്ണമായ അംഗീകാരം ലഭിച്ചിരിക്കുന്നത്. സെപ്റ്റംബർ 23-ന് നടക്കുന്ന പ്രസിദ്ധമായ കാളകെട്ട് മഹോത്സവത്തിലും പടനിലത്തെ വിവിധ പരിപാടികളിലും പ്രദേശവാസികൾക്ക് സജീവമായി പങ്കാളികളാകുന്നതിനാണ് പ്രാദേശിക അവധി പ്രയോജനപ്പെടുക.
