മയിൽപ്പീലി സ്കോളർഷിപ്പ് പരീക്ഷ: യുഡിഎഫ് സർക്കാരിനെതിരെ ആഞ്ഞടിച്ച് പ്രതിപക്ഷ നേതാവ് പിണറായി വിജയൻ
തിരുവനന്തപുരം: ബാലഗോകുലം പ്രസിദ്ധീകരണമായ ‘മയിൽപ്പീലി’ മാസികയുടെ സ്കോളർഷിപ്പ് പരീക്ഷ പൊതുവിദ്യാലയങ്ങളിൽ നടത്താൻ ഹൈക്കോടതി അനുമതി നൽകിയതിന് പിന്നാലെ സംസ്ഥാന സർക്കാരിനെതിരെ രൂക്ഷവിമർശനവുമായി പ്രതിപക്ഷ നേതാവ് പിണറായി വിജയൻ. പൊതുവിദ്യാഭ്യാസ മേഖലയെ സംഘപരിവാറിന് തീറെഴുതാനുള്ള യുഡിഎഫ് സർക്കാരിന്റെ അജണ്ടയുടെ ഫലമാണ് ഈ കോടതി ഉത്തരവെന്ന് അദ്ദേഹം ആരോപിച്ചു.
അനുകൂലമായ കോടതി വിധി നേടിയെടുക്കാനാകുമെന്ന മുൻധാരണയോടെയാണ് സർക്കാർ ഈ വിഷയത്തിൽ നീങ്ങിയതെന്നും പിണറായി വിജയൻ കുറ്റപ്പെടുത്തി.
പരീക്ഷ നടത്താൻ പൊതുവിദ്യാഭ്യാസ വകുപ്പ് നേരത്തെ അനുമതി നൽകുകയും, പിന്നീട് വിവാദമായപ്പോൾ കാരണം ബോധിപ്പിക്കാതെ അത് റദ്ദാക്കുകയും ചെയ്ത സർക്കാർ നടപടിയാണ് കോടതി ഇടപെടലിന് വഴിയൊരുക്കിയത്. ദേശീയ അധ്യാപക പരിഷത്ത് (എൻടിയു) നൽകിയ ഹർജിയിലാണ് ജില്ലാതല പരീക്ഷ നടത്താൻ ഹൈക്കോടതി ഇടക്കാല അനുമതി നൽകിയത്. എന്നാൽ പരീക്ഷാഫലം പ്രസിദ്ധീകരിക്കരുതെന്ന് കോടതി കർശന നിർ
